TOP NEWS ПОЛИТИКА ЭКОНОМИКА ОБЩЕСТВО ПРОИСШЕСТВИЯ КУЛЬТУРА СПОРТ ФОТО ВИДЕО LIVE
HOŞ GELDİNİZ, SAYIN BAŞBAKAN
07:44; 5 05 2017 0 4606
HOŞ GELDİNİZ, SAYIN BAŞBAKANTürkiye Cumhuriyeti Başbakanı sayın Binali YILDIRIM IV Dünnä Gagauzların Kongresindä pay alacek.

Hazırladı: Yana Topal, vfokuse.md

Mayın 5-6-da Gagauziyada geçecek IV Dünnä Gagauzların Kongresi. Bu gözäl oluş avtonomiyada başladı yapılmaa 2006-ncı yılda, ama birzaman da kongrestä bulunmadı bukadar üüsek musaarlär, nicä Türkiye Cumhuriyeti Başbakanı sayın Binali Yıldırım. Kongresä lääzımdı katılsın Türkiye Cumhuriyeti Cumhurbaşkanı sayın Recep Tayyip Erdoğan, angısı kayıllık verdi gelmää Komrada, Ankarada İrina Vlahlan buluştuykan. Ama sayın Cumhurbaşkanın viziti Moldovaya hem Gagauziyaya geçirildi başka dataya, açıkladı Bakannık Komitetin oturuşunda İrina Vlah. Hep o zaman gagauz kongresinä gelecek Moldovanın prezidenti sayın İgor Dodon hem Başbakanı sayın Pavel Filip.

“Hoş geldiniz evä”
Kongresä hazırlanmaklar üüsek uurda bulunêr. Nicä açıkladılar “Vfokuse nedeli” gazetasına orgkomitettä, topluma teklif edildi 560 kişi. En büük delegaţiya Ukraynadan - 71 insan. Dünnenin Gagauzlarına birkaç kerä danıştı Gagauziya Başkanı İrina Vlah, angısı dedi: “Gagauziya - o hepsi Gagauzların Vatanıydır’’. Türkiye TRT kanalına intervyusunda İrina Vlah söledi: ‘’Biz teklif ederiz kongresä katılsın hepsi Gagauzlar, angıları aşırı devletlerdä yaşêêr. Kongresin en önemli neeti - ki Gagauzlar birleşsinnär, ana dilimiz kaavileşsin. Ki başka devletlerdä yaşayan Gagauzlar üürensinnär, duysunnar kendi kulturasını hem istoriyasını’’. Neredä dä bulunsalar Gagauzlar, onnar herzaman onurlan göstererlär kendi halkını, açıkladı kendi başka danışmasında Gagauziya Başkanı. “Biz koruyabildik kendi kulturamızı, dilimizi en zor istoriya etaplarında, da bu yardım etti bizä olmaa dayanıklı hem kuvetli, saburlu hem akıllı, girgin hem herzaman birliktä. Kendi işinnän, Vatanı sevmäklän hem kendi dininnän Gagauzlar olardılar anılmış bütün dünnedä. Bizim borcumuz büün, gelän evlatlarımıza annatmaa Gagauz halkının anılmış insannarı için, angıları başarılı oldular bilimdä hem kulturada, literaturada hem resimciliktä, biznestä hem politikada, mediţina uurunda, asker izmetindä hem dindä”, - dedi Başkan.

“20 devlet - bir millet”
Dünnenin herbir köşesindä var nasıl karşılaşmaa Gagauzlarlan. Ecel ölä izin verdi, ani Gagauz diasporaları erleştilär Ukraynada, Bulgariyada, Rusiyada, Greţiyada, Romıniyada, Belorusiyada, Batı Evropa hem Latin Amerika kontinentlerin devletlerindä. Ama bakmadaan buna, Moldovadakı Gagauz Avtonom Bölgesi - hepsinä onnara Vatan gibi. Halizdän da, sade bu güneşli tarafta Gagauzlar kabletti kendi devletliini, da onnarın sesini işitti bütün dünnä.

Hederlezä karşı yortular
Dünnä Gagauzların Kongresi başlayacek işini mayın 5-dä. O gün hepsi delegatlar Komrattakı Kultura evindä genel toplantıya geleceklär. Kongresi açaceklar Gagauziyanın öndercileri, nedän sora laf verilecek delegaţiyaların temsilcilerinä. Genel toplantının sonunda rezolüţiya kabledilecek. Günün ikinci payında delegatlar çalışacek üç diskusiya sekţiyalarında – bilim, kultura, üüretim, ekonomika hem gençlik forumu ‘’Gagauziya çaarêr’’.

Kongresin ilk günü bitecek kultura programasınnan – delegatlar yollanacek ekskursiyalara, Komrat kasabasının meydanında sa büük bir konţert geçecek.Kongresin en paalı musaari – Türkiye Cumhuriyeti Başbakanı sayın Binali Yıldırım Gagauz Yerinä mayın 6-da gelecek. Hep o gün Çadırda “Hederlez yortusu” kutlanılêr. Sayın Binali Yıldırım danışacek sözlän kongresin katılannarına Komradın Kultura evindä. Bundan kaarä, üüsek musaafir ayırı buluşacek Gagauziya Başkanınnan İrina Vlahlan. Nedir sayın Binali Yıldırımın viziti dünnä Gagauzlarına deyni? Bu nışan, ki Türk halkı Gagauzları kardaş gibi sayêr. Ki Türkiye Cumhuriyeti, nicä da hepsi yıllar, hazır yardım etmää Gagauzlara hem Gagauziyaya herbir taraftan. Geçtii yıl Başkan sayın İrina Vlah iki-kerä buluştu sayın Recep Tayyip Erdoğannan hem sayın Binali Yıldırımnan. Sonuçları gördük. Bu vizitin sonuçlarını da bekleeriz.



Подписывайтесь на наши новостные ленты в социальных сетях - в facebook, одноклассниках, вконтакте, twitter и instagram
Читайте также по этой теме:



 

 

Топовые новости

18:54; 13 ноя 2018
"Словно селедки в банке" или как кишиневцы "штурмуют" маршрутку
 754
18:07; 13 ноя 2018
GRT отказалось предоставить эфир ветерану Гагаузской Республики Николаю Димитрогло
 969
17:23; 13 ноя 2018
«Меня выдали замуж, даже не спросив»: Анна Брынза призвала примара Вулканешт не спекулировать на ее отставке
 2555
17:03; 13 ноя 2018
Башкан поздравила с 60-летием совместной жизни супругов Димитрогло из Комрата
 1695
16:01; 13 ноя 2018
«Все прошло по плану»: что говорят Романов и Кель о своих победах в турнире EAGLES
 689
15:30; 13 ноя 2018
Василий Келиогло спел старинную гагаузскую песню на украинском телевидении
 704
15:15; 13 ноя 2018
ГЛАВНАЯ ТЕМА: «Приднестровские» авто и фары с ксеноном; как не получить штраф
 1162
14:58; 13 ноя 2018
Комратский колледж имени Чакира занял первое место в молодежном мероприятии City Quest
 440
13:59; 13 ноя 2018
В Гагаузии осталось только 18 детей, чьи родители не хотят их вакцинировать
 1268
13:45; 13 ноя 2018
Власти Бешалмы намерены восстановить крупнейший спорткомплекс юга Молдовы
 994
13:30; 13 ноя 2018
ДПМ объявила о проведении референдума в день парламентских выборов
 1059
12:52; 13 ноя 2018
Появилось видео задержания наркоторговцев из Чадыр-Лунги
 2577
12:25; 13 ноя 2018
Сразу две детские площадки открыли в селе Дезгинжа
 537
11:58; 13 ноя 2018
В Чадыр-Лунге выявил лучших спортсменов турнир «Белый самурай»
 357
11:27; 13 ноя 2018
Детали герметизации чишмикиойского полигона пестицидов представили эксперты
 397
Аналитика

Вячеслав Крачун, IPN
Первая Мировая в истории юга Бессарабии. Как в Гагаузии возрождают память о забытой войне

Вячеслав Крачун, IPN
IPN: «Гагаузский мост» Молдова-Турция. Об итогах визита Эрдогана в Комрат

Вячеслав Крачун, IPN
Гагаузия в ожидании выборов: социологический портрет населения