TOP NEWS ПОЛИТИКА ЭКОНОМИКА ОБЩЕСТВО ПРОИСШЕСТВИЯ КУЛЬТУРА СПОРТ ФОТО LIVE
HOŞ GELDİNİZ, SAYIN BAŞBAKAN
07:44; 5 05 2017 0 4979
HOŞ GELDİNİZ, SAYIN BAŞBAKANTürkiye Cumhuriyeti Başbakanı sayın Binali YILDIRIM IV Dünnä Gagauzların Kongresindä pay alacek.

Hazırladı: Yana Topal, vfokuse.md

Mayın 5-6-da Gagauziyada geçecek IV Dünnä Gagauzların Kongresi. Bu gözäl oluş avtonomiyada başladı yapılmaa 2006-ncı yılda, ama birzaman da kongrestä bulunmadı bukadar üüsek musaarlär, nicä Türkiye Cumhuriyeti Başbakanı sayın Binali Yıldırım. Kongresä lääzımdı katılsın Türkiye Cumhuriyeti Cumhurbaşkanı sayın Recep Tayyip Erdoğan, angısı kayıllık verdi gelmää Komrada, Ankarada İrina Vlahlan buluştuykan. Ama sayın Cumhurbaşkanın viziti Moldovaya hem Gagauziyaya geçirildi başka dataya, açıkladı Bakannık Komitetin oturuşunda İrina Vlah. Hep o zaman gagauz kongresinä gelecek Moldovanın prezidenti sayın İgor Dodon hem Başbakanı sayın Pavel Filip.

“Hoş geldiniz evä”
Kongresä hazırlanmaklar üüsek uurda bulunêr. Nicä açıkladılar “Vfokuse nedeli” gazetasına orgkomitettä, topluma teklif edildi 560 kişi. En büük delegaţiya Ukraynadan - 71 insan. Dünnenin Gagauzlarına birkaç kerä danıştı Gagauziya Başkanı İrina Vlah, angısı dedi: “Gagauziya - o hepsi Gagauzların Vatanıydır’’. Türkiye TRT kanalına intervyusunda İrina Vlah söledi: ‘’Biz teklif ederiz kongresä katılsın hepsi Gagauzlar, angıları aşırı devletlerdä yaşêêr. Kongresin en önemli neeti - ki Gagauzlar birleşsinnär, ana dilimiz kaavileşsin. Ki başka devletlerdä yaşayan Gagauzlar üürensinnär, duysunnar kendi kulturasını hem istoriyasını’’. Neredä dä bulunsalar Gagauzlar, onnar herzaman onurlan göstererlär kendi halkını, açıkladı kendi başka danışmasında Gagauziya Başkanı. “Biz koruyabildik kendi kulturamızı, dilimizi en zor istoriya etaplarında, da bu yardım etti bizä olmaa dayanıklı hem kuvetli, saburlu hem akıllı, girgin hem herzaman birliktä. Kendi işinnän, Vatanı sevmäklän hem kendi dininnän Gagauzlar olardılar anılmış bütün dünnedä. Bizim borcumuz büün, gelän evlatlarımıza annatmaa Gagauz halkının anılmış insannarı için, angıları başarılı oldular bilimdä hem kulturada, literaturada hem resimciliktä, biznestä hem politikada, mediţina uurunda, asker izmetindä hem dindä”, - dedi Başkan.

“20 devlet - bir millet”
Dünnenin herbir köşesindä var nasıl karşılaşmaa Gagauzlarlan. Ecel ölä izin verdi, ani Gagauz diasporaları erleştilär Ukraynada, Bulgariyada, Rusiyada, Greţiyada, Romıniyada, Belorusiyada, Batı Evropa hem Latin Amerika kontinentlerin devletlerindä. Ama bakmadaan buna, Moldovadakı Gagauz Avtonom Bölgesi - hepsinä onnara Vatan gibi. Halizdän da, sade bu güneşli tarafta Gagauzlar kabletti kendi devletliini, da onnarın sesini işitti bütün dünnä.

Hederlezä karşı yortular
Dünnä Gagauzların Kongresi başlayacek işini mayın 5-dä. O gün hepsi delegatlar Komrattakı Kultura evindä genel toplantıya geleceklär. Kongresi açaceklar Gagauziyanın öndercileri, nedän sora laf verilecek delegaţiyaların temsilcilerinä. Genel toplantının sonunda rezolüţiya kabledilecek. Günün ikinci payında delegatlar çalışacek üç diskusiya sekţiyalarında – bilim, kultura, üüretim, ekonomika hem gençlik forumu ‘’Gagauziya çaarêr’’.

Kongresin ilk günü bitecek kultura programasınnan – delegatlar yollanacek ekskursiyalara, Komrat kasabasının meydanında sa büük bir konţert geçecek.Kongresin en paalı musaari – Türkiye Cumhuriyeti Başbakanı sayın Binali Yıldırım Gagauz Yerinä mayın 6-da gelecek. Hep o gün Çadırda “Hederlez yortusu” kutlanılêr. Sayın Binali Yıldırım danışacek sözlän kongresin katılannarına Komradın Kultura evindä. Bundan kaarä, üüsek musaafir ayırı buluşacek Gagauziya Başkanınnan İrina Vlahlan. Nedir sayın Binali Yıldırımın viziti dünnä Gagauzlarına deyni? Bu nışan, ki Türk halkı Gagauzları kardaş gibi sayêr. Ki Türkiye Cumhuriyeti, nicä da hepsi yıllar, hazır yardım etmää Gagauzlara hem Gagauziyaya herbir taraftan. Geçtii yıl Başkan sayın İrina Vlah iki-kerä buluştu sayın Recep Tayyip Erdoğannan hem sayın Binali Yıldırımnan. Sonuçları gördük. Bu vizitin sonuçlarını da bekleeriz.



Подписывайтесь на наши новостные ленты в социальных сетях - в facebook, одноклассниках, вконтакте, twitter и instagram
Читайте также по этой теме:



 

 


11:29; 21 сен 2019
LIVE: Визит официальной делегации из России в Гагаузию
 70
10:31; 21 сен 2019
Комрат будет освещён на 100 процентов: примэрия выиграла очередной грант
 103
09:35; 21 сен 2019
Турецкие предприниматели заинтересованы в открытии молочной фермы в Гагаузии
 287
08:38; 21 сен 2019
Центризбирком утвердил образцы бюллетеней для голосования на предстоящих выборах
 186
17:30; 20 сен 2019
«Митинг все равно проведем»: примэрия Вулканешт отказала «афганцам» в собрании на площади
 1067
16:39; 20 сен 2019
Сразу пять кандидатов претендуют на пост примара Вулканешт
 1555
16:10; 20 сен 2019
Шахматный турнир памяти Федора Яниогло пройдет в Чок-Майдане
 523
15:49; 20 сен 2019
На должность примара Комрата баллотируется четыре кандидата, и в мунсовет - 64
 1894
15:26; 20 сен 2019
Business Hub: В Гагаузии работает онлайн-сервис, который помогает работодателю и кандидату найти друг друга
 2584
14:57; 20 сен 2019
Анастасов рассказал о построенных в Комрате за четыре года дорогах и тротуарах
 471
14:43; 20 сен 2019
LIVE: Заседание молдо-российского экономического совета
 423
14:20; 20 сен 2019
Сергей Мовчан: «В Гагаузии – особый микроклимат. Там можно и нужно развивать межрегиональные отношения»
 590
13:45; 20 сен 2019
На пост примара Чадыр-Лунги баллотируется два кандидата
 1764
13:16; 20 сен 2019
Помощник для молодых бизнесменов: в Комрате презентовали гид предпринимателя
 865
12:59; 20 сен 2019
Башкан выступила модератором секции в рамках молдо-российского экономического форума
 592
Аналитика

Вячеслав Крачун, IPN
Второй срок башкана Гагаузии: «долг» союзников и новые возможности

Поезд Кишинев-Одесса протаранил автомобиль; водитель погиб

Вячеслав Крачун, IPN
IPN: Вертикаль Ирины Влах и главные ожидания политической осени в Гагаузии