TOP NEWS ПОЛИТИКА ЭКОНОМИКА ОБЩЕСТВО ПРОИСШЕСТВИЯ КУЛЬТУРА СПОРТ ФОТО LIVE
Gagauziya Başkanın İrina VLAHIN IV Dünnä gagauzların kongresin açılışında sözü
15:32; 5 05 2017 0 2724
Gagauziya Başkanın İrina VLAHIN IV Dünnä gagauzların kongresin açılışında sözü
Saygılı Gagauzların IV-cü dünnä kongresinin delegatları!
Paalı bizim soydaşlarımız hem kardaşlarımız!
Gagauz topraana hoş geldiniz!


Büün, burada, kongrestä, var gözäl bir atmosfera hem energetika. Sanȇrım, ani bunu duyȇr herkez. Büün biz – gagauzlar – birerdäyiz! Da gerçektän bizi birleştirer sevgi ana evimizä, ana dilimizä, Gagauziyaya!

Halkımızın kuvedi – birliktä hem biri-birimizä yardım etmektä. Bu duygu verer bizä kolaylık ileri gitmää hem kaybetmemää baalantıyı bizim istoriyadakı Vatanımızlan. IV-cü dünnä kongresi topladı gagauzları dünneyin 20 (irmi) devletindän. Bu zalda toplandı haliz patriotlar. O insannar, angıları, nererdä dä bulunmasa, her gün yapȇrlar bişey, ki bizim avtonomiyamız ilerlesin.

Bu insannar gururlan söleerlär: “Bän gagauzum!”

Çoyunuz kazandınız büük başarılar kendi zanaat uurunuzda. Büün bizim aramızda bulunȇr anılmış bilim adamnarı hem ekonomistlär, yazıcılar, artistlär, doktorlar, üüredicilär, sportsmennär. Biz sayȇrız hérbirin zaametini, yaratmalarını, işini. Vatanda sizi unutmêȇrlar hem severlär, sizi sık anȇrlar küülülär, sizin için söleerlär komuşular hem şkola kafadarları, sizi örnek gibi koyȇrlar. Sizinnän hodullanêr Gagauziya! Ne o devlet, ne o avtonomiya? O diil sade er, ekonomika, kanonnar. En ilkin, o insannar.

İnanȇrım, saygılı kardaşlarımız, ani bu çok nışannı iki günün içindä, kongrestä, siz yardımcı olacenız seçmää eni bir yol regionun ilerlemesi için. Sizdän bekleeriz nasaat, nasıl korumaa gagauz dilimizi hem kulturamızı, nasıl büünkü gündä diriltmää adetlerimizi, zenginnetmää geleceemizi.

Kongresin en önemni daavası – bizim gagauz diasporanın kuvetlerini toplamaa bireri, ki Gagauz avtonomiyasının soţial-ekonomika hem politika yaşamasını üüsek uura kaldırmaa. Herbirinizdä var özel profesional görgü, angısı pek lääzım Vatanımıza. Teklif ederim pay alasınız soţial-ekonomika ilerlemäk strategiyaların, regional kanon proektlerinin, cümnä iniţiativalarının kurulmasında hem diskusiyalarda. Ama en önemni – gagauz dilinin ilerlemesi için konţepţiyasını hazırlamaa.
Ko sizin dä yardımınnan gagauzların başarıları devlet aşırı üzä çıksınnar.

Herbir uygun zamanda annadın bizim tarafımız için, gagauz halkının kulturası hem adetleri için. Annadın Gagauziyada investiţiya hem biznes götürmenin faydaları için.

Sayȇrız, ani bizim soydaşlarımızda lääzım olsun kolaylık, bulunarak sınır aşırısında, tamannamaa kendi vatan borcunu da katılmaa regional seçimnerinä, Başkan seçimnerinä, Halk Topluşu seçimnerinä. Bakannık Komiteti hem Halk Toluşu deputatlarınnan barabar mutlak lääzım kursunnar bir kanon, angısı verecek kolaylık açmaa seçim bölümünü sınır aşırısında, ki siz aktiv pay alabiläsiniz Gagauziyanın cümnä-politika yaşamasında. Umutlanȇrım, ani siz destekleyeceniz bu kanon iniţiativasını.

Geldi vakıt enidän bakmaa regional kuvetlerinin diasporaylan çalışmasına. Düşünerim, ani dialog hem işbirlii lääzım olsun herzaman, ama diil sade bir kongrestän öbür kongresä kadar. Bunun için biz isteeriz kurmaa Bakannık Komitetindä Dış ilişkileri bakannıın içindä diasporaylan çalışmak bölümünü.

Paalı dostlar, maasuz sizä deyni bir sürpriz hazırladık. Zala girärkän, Siz kablettiniz çanta, angısında bir dä pasport var. Büünkü gündän siz Gagauziyanın şannı Vatandaşları oldunuz!

Büün kararladım geçirmää günü üz-üzä buluşarak kongresä katılannarlan. Da artık birkaç bölä buluşmak geçirdim dün hem büün. İş odamda bulunacam geç saada kadar. Buyurun, gelin. Benim kapularım sizin için açık. Sevinecäm eski dostlarlan buluşmaklara hem eni tanışmaklara.

Paalı dostlar!
Evinizä, duuma topraana Hoş geldiniz!



Подписывайтесь на наши новостные ленты в социальных сетях - в facebook, одноклассниках, вконтакте, twitter и instagram
Читайте также по этой теме:



 

 


14:49; 6 дек 2019
Почти полмиллиона леев выделил Исполком на выплаты пособий по рождаемости за ноябрь
 34
14:24; 6 дек 2019
Полномочия председателя КЧС Гагаузии временно возложены на Ивана Колиогло
 160
14:00; 6 дек 2019
Почти 60 тысяч евро в виде гранта получит группа компаний из Гагаузии
 198
13:43; 6 дек 2019
«Домой в Гагаузию», больше на питание детей и Ilk Ev: Исполком увеличил расходы на социальные программы
 154
13:22; 6 дек 2019
Количество персональных ассистентов в Гагаузии в будущем году будет увеличено
 139
12:53; 6 дек 2019
Еще 11 гагаузских семей приобрели жилье по программе İLK EV
 435
12:51; 6 дек 2019
Бюджет Гагаузии в 2020 году впервые превысит планку в 1 миллиард леев
 272
12:24; 6 дек 2019
«Домой в Гагаузию»: В Исполкоме представили программу по возвращению соотечественников
 906
12:01; 6 дек 2019
LIVE: Заседание Исполкома Гагаузии от 06.12.19
 252
11:42; 6 дек 2019
Трое полицейских предстанут перед судом за пассивную коррупцию
 355
11:20; 6 дек 2019
Главное, быть чемпионом в жизни. Как учат молодых тэквондистов в Тараклии
 156
10:54; 6 дек 2019
Дорожный фонд Гагаузии этого года освоен на 90 процентов
 204
10:32; 6 дек 2019
Государство вновь финансово поможет пенсионерам. Узнай, как и когда
 718
09:54; 6 дек 2019
Шоу-конкурс «Две звезды» вновь пройдет в Комрате
 211
09:29; 6 дек 2019
В Кишиневе поезд врезался в такси; есть пострадавшие
 701
Аналитика

«Мы попали на нехорошую землю». Как жители Гайдар справляются с проблемой некачественной воды

Инна Кулиш, Новостной портал Gagauzinfo.MD
ИНТЕРВЬЮ: Yan Space об экспериментальном треке с коллективом SEVDA и музыкальной индустрии Гагаузии

Корина Шеремет, Ziarul de Garda
Земля уходит из-под ног. Как жители Баурчи борются с оползнями